Kaixo, zinemazale!
Dakizuen bezala, Lekeitioko Zinemazaleak elkartearen motorra zuek, bazkideak, zarete. Zuen babesari esker mantentzen dugu bizirik herriko pantaila handia eta gure aretoaren magia.
Joan den urtarrilaren 31n ospatutako Batzar Orokorrean, elkartearen bideragarritasuna eta etorkizuneko erronkak aztertu genituen. Bertan, gehiengo osoz, bazkideen tarifa eguneratzea onartu zen. Erabaki hau ez da erraza izan, baina ezinbestekoa da aretoaren gastuei aurre egiteko eta eskaintzen dizuegun kalitatezko programazioari eutsi ahal izateko.
Hori dela eta, otsailaren 28tik aurrera, bazkideentzako sarreraren prezioa 4,50 € izango da (lehengo 4,00 €-ren ordez).
Egun horretan bertan jarriko dugu martxan tarifa berria, asteburuko programazioarekin batera kudeaketa errazteko. Aldaketa txiki honekin, Lekeition zinema sustatzen jarraitzen lagunduko diguzue.
Eskerrik asko zuen ulermenagatik eta aretoan ikusiko garelakoan!
“Greziar filosofo berriak lxs influencers al dira? Osagai baten errezetak ematen dizkizute eta esaten dizute goizeko 5etan jaikitzeko burpeiak egiteko, baina gero haiek ohea egin gabe daukate. Giza ergelkeriak gailurra jo ote du? Pista: Bai.” 80 minututan, Mikel Bermejok Arkimedesi eta bosgarreneko zure bizilagunari loa kentzen dieten misterioak argituko ditu.
