La Bola Negra filmak izan duen arrakastaren ondorioz, eta jende asko ikusi gabe gelditu dela jakinda, urriaren 2an saio berezi bat ematea erabaki dugu.
SARRERAK SALGAI:
Euskal Zine Bilera, izenak berak adierazten duen bezala, euskal zinemaren inguruan elkartzeko topagunea da, eta bertan elkartzen dira, besteak beste, sail ofizialean parte hartzen duten zinegileak. Horregatik, jaialdiaren programazioaren barruan zinegileen arteko harremanak eta elkarguneak sustatzeko momentu informalak eskaintzen dira, elkar ezagutu eta esperientziak partekatzeko.
Euskara eta zinema batzen dituen Lekeitioko jaialdiak bere 47. edizioa ospatuko du aurten. Euskara hutsez egiten den jaialdirik zaharrena da Euskal Zine Bilera eta oso harro gaude urte hauetan guztietan gure hizkuntza sustatu eta hedatzeko egindako lanarekin.
Dokumentala (gaztelaniaz proiektatuko da): Gauean Tel Aviveko teilatuetan filmatu dute, eta Israelgo tropek Gazan nahita zibil palestinarrak hiltzearen atzean dauden mekanismoak azaltzen ditu.
